ကလေးမြို့တွင် ဒီနေ့ စစ်တပ်လေယာဉ် ၃ ကြိမ်ဆင်းသက်

ခရီးသည်လေယာဉ်တွေရပ်နားထားတဲ့ ကလေးမြို့လေဆိပ်မှာ ဒီနေ့ ဇူလိုင် ၂၁ ရက်တွင် စစ်တပ်သုံးလေယာဉ် ၃ ကြိမ်ဆင်းသက်သွားတယ်လို့ သတင်းရရှိပါတယ်။

 

ယင်းလေယာဉ်ဟာ စစ်တပ်သုံး အရပ်ဖက်လေယာဉ်ဖြစ်ပြီး ဒီမနက် ၉ နာရီခန့်တွင် တကြိမ်၊ နေ့လည် ၁ နာရီခန့်တွင် တကြိမ်၊ ညနေ ၅ နာရီတွင် တကြိမ်ဆင်းသက်ကြပါတယ်။

 

လေယာဉ်ကွင်းအနီးမှာနေထိုင်သူတစ်ဦးက “လေယာဉ်ဆင်းတဲ့ချိန်မှာ လေဆိပ်အရှေ့ပေါက်ကနေ စစ်ကား အကြီး ၅ စီးဝင်ပြီးတော့ ပစ္စည်းတွေတင်ပြီးသွားတော့ အနောက်ပေါက်ကနေ စစ်တပ်ဆေးရုံကိုဝင်သွားကြတယ်။ ပစ္စည်းကတော့ ကြပ်ဖာတွေနဲ့ဆိုတော့ဘာမှမသိရဘူး။ ကြပ်ဖာတွေက ၂ ပေခွဲလောက်ရှိတယ်။ ကျနော်ထင်တာကတော့ ဆေးဘက်ဆိုင်ရာပစ္စည်းတွေဖြစ်မယ်ထင်တယ်။ မနက်ဖြန်လည်း ပိုက်ဆံတွေတင်တဲ့ လေယာဉ်ထပ်ဆင်းဖို့ရှိတယ်” လို့ပြောပါတယ်။

 

ဇူလိုင်လကစပြီး ကလေးမြို့သို ခရီးသည်တင်လေယာဉ်ဆင်းသက်တာရပ်ဆိုင်းထားပါတယ်။

ဒါ့ပြင် ဒီနေ့နေ့လည် ၁ နာရီခန့်တွင် မင်းတပ်မြို့အနီး မကွေးတိုင်း ကျောက်ထုလေယာဉ်တွင် စစ်တပ်သုံး အရပ်ဖက်လေယာဉ် တစ်စီး ဆင်းသက်သွားတယ်လို့သတင်းရရှိပါတယ်။

 

 

Related Posts

Leave a Reply

Your email address will not be published. Required fields are marked *